Ұлттық құрама бапкері – Қашкен туралы: оның кандидатурасы ұсынылғанда мүлдем дауласпадық

Қазақстан құрамасы бас бапкерінің міндетін атқарушы Талғат Байсуфинов Лихтенштейнге қарсы ойын алдындағы баспасөз мәслихатында Әмір Мұрзағалиевтің ұлттық құрамаға неліктен шақырылмай қалғанын түсіндіріп, оның орнына Дінмұхамед Қашкеннің келу себебін айтып берді, деп хабарлайды ASnews.kz.

«Бізге Қашкеннің кандидатурасын ұсынғанда, мүлдем дауласпадық және бірден шешім қабылдадық. Бұл Димаш үшін аванс, сонымен қатар барлық жас ойыншыларға үлгі болды. Мұрзағалиевке келсек, мен бұған дейін жастар құрамасымен екі оқу-жаттығу жиынын өткіздім. Ал құрамды анықтау кезінде ҚФФ-ның техникалық директоры Геннадий Скуртул мен Руслан Балтиев тамаша жұмыс атқарды», – деді Байсуфинов.

Жаттықтырушының айтуынша, Мұрзағалиев негізгі команданың жаттығуларына қатысқан, бірақ жастар құрамасының қосынына кеткен:

«Біз негізгі құрамның барлық ойыншылары келгенше дайындықты бастап кеттік, сондықтан жастар құрамасынан бірнеше футболшыны шақырттық. Олардың қатарында Нұралы Жақсылық пен Әмір Мұрзағалиев бар. Олар бізбен бірге бірнеше күн жаттығып, 4 қазан күні жастар құрамасына оралды. Бүгін олар Андорраға қарсы ойнайды. Иә, Андоррамен болған бірінші ойында Мұрзағалиев шақыртылмады. Себебі ол кезде ойын көбіне қорғанысқа негізделді».

Байсуфинов Мұрзағалиевтің болашағынан үміт күттіретін жас ойыншылардың бірі екенін атап өтті.

«Әмір 2006 жылы дүниеге келген. Иә, ол әлі ұялшақ, бірақ оның әлеуеті зор. Қызылордада Виктор Кумыковтың қол астында ойын практикасын алуда. Қашкенге келсек, ол күреске түсуге дайын, мінезі де жақсы. Біз оны шақыратын кезде дауласпадық; керісінше, оның бізбен бірге болғанына қуаныштымыз. Широбоков пен басқа да жас ойыншылар ұлттық құраманың есігі барлығына ашық екенін түсінеді деп сенемін», – деді Талғат Маруаұлы

Қазақстан мен Лихтенштейн арасындағы ойын 10 қазанда «Астана Аренада» өтеді.