Лукомский – Каррераның Қазақстан құрамасын тізгіндеуі жайлы: ол біреудің арқасында атаққа ие болған

Әли Әлиев отставкаға кеткеннен кейін БАҚ беттерінде Қазақстан құрамасының келесі бапкері шетелдік маман болатыны туралы ақпарат тарады. Аталған үміткерлер арасында 61 жастағы Массимо Каррера да бар. Бірақ сарапшылар оның жұмысынын риза емес.

ASnews.kz тілшісіне берген сұхбатында ресейлік сарапшы әрі Sports.ru сайтының авторы Вадим Лукомский италиялық маманның неліктен ҚФФ-ны тығырықтан шығара алмайтынын түсіндірді.

Өзін басқа адам ретінде көрсетеді

«Командаға кім келсе де, жанкүйерлер ол туралы жағымды нәрсені естігісі келеді, бірақ менің Каррера туралы пікірім көңіл қуантпайды. Менің көзқарасым бойынша, ол шарлатан және инфосыған. Массимо адамдарға ауа мен өтірік жетістіктерін сату арқылы бапкер болып тағайындалады, ал шын мәнінде, оның жаттықтырушылық идеясы да, нақты бір жүйесі де жоқ», – деді Лукомский

«Ол «Спартакпен» келісімшартқа отырған кезде италиялық маманның ең үлкен жетістігі Антонио Контемен бірге жұмыс жасағаны болды. Бірақ Каррера оның көмекшісі ретінде жұмыс істеген жоқ. Тек бапкерлік штабында ары-бері шапқылап жүрді. Контемен қарым-қатынасы оның басты көзіріне айналды. Ал Каррераның қол жеткізген ең жақсы жетістігі – «Спартакпен» чемпион атануы, бірақ бұл жағдайға қатысты қойылар сұрақ көп».

«Спартак» 2016/17 жылғы маусымда РПЛ-дың ең мықты командасы болған жоқ

«Біріншіден, 2016 жылы мәскеуліктер чемпионатта футбол ойнаған жоқ. Әрине, жанкүйерлерді қуанышынан айыра алмаймын, өйткені олар бұл кубокты ұзақ күткен еді, бірақ ойыншылар оған драма мен сәттіліктің арқасында қол жеткізді. Басқа командалар соға алмай жатқан голдар «Спартакқа» келгенде еш қиындықсыз салынып жатты».

«Біз көбінесе кеш соғылған голдар мен сенімсіз ойынды көрдік, егер xG-ге қарасаңыз, бұл статистика тарихындағы ең нашар нәтиже ретінде тіркелді. Оған қоса, Каррераны Роман Пилипчук деген мықты көмекшісі құтқарып қалды».

Өтірік атақ-даңқ

«Егер сіз оның тарихтағы орнын емес, бапкерлік жұмысын бағаласаңыз, Массимо керемет ештеңе жасаған жоқ. Иә, ол командадағы жұлдызды ойыншылардың талантын пайдаланып, жақсы жұмыс жасады және ойынды Промес пен Фернандоның айналасына құра білді, бірақ ол шын мәнінде, маңызды ештеңеге қол жеткізбеді. Жұмыс беруші ретінде қарасам, оның түйіндемесі маған қатты ұнай қоймайды», – деді эксперт.

Факт: Квинси Промес 2018 жылы «Севильяға» ауысқаннан кейін «Спартак» тоғыз матчта небәрі екі рет жеңіске жетті. Сондай-ақ капитан Денис Глушаков негізгі құрамнан түсіп қалғандықтан, БАҚ «киіну ауыстыратын бөлмедегі атмосфера нашарлады» деген ақпарат таратты.

«Ресейден кеткеннен кейін Каррера жетістікке жете алмады, өйткені оның нақты идеясы да, Контеге ұқсайтын жері де жоқ. Жарайды – кейде ол кез-келген ойыншының ығына жығыла алады. Егер ҚФФ сапалы ассистенттерді әкеліп берсе, мүмкін Каррера табысқа жететін шығар, бірақ бірінші кезекте ол басқа біреудің атын пайдаланып, жалған есімге ие болған бапкер», – деді Лукомский.