Самородов ұлттық құраманың матчтарына дайын: жарақаты айтарлықтай емес екен

23 жастағы «Ахмат» шабуылшысы Максим Самородов алдағы Лихтенштейн мен Солтүстік Македонияға қарсы матчтарда Қазақстан құрамасына көмектесуге дайын, деп хабарлайды ASnews.kz.

Қазақстандық футболшы Ресей Премьер-лигасының 10-шы турында «Акронмен» болған ойында арқасын жарақаттап алған еді, бірақ бұл оның алаңға шығуына кедергі бола алмайды.

«Қақтығыстан кейін Макс өзін жайсыз сезінді және оны жарақаттан аулақ болу үшін ауыстырып тастады. Қазір оның жағдайы жақсы», – деп хабарлайды «Ахматқа» жақын дереккөз.

Самородов командамен бірге 30 қыркүйек күні «Оренбургпен» болатын матчқа дайындалуда.

Осылайша, Қазақстан құрамасының ӘЧ-2026 іріктеу кезеңіндегі алдағы матчтарына шақыртылған футболшы ауыр жарақаттан аман қалды.

«Ахмат» қазір 15 ұпаймен Ресей Премьер-лигасында тоғызыншы орында келеді. Самородовтың еншісінде үш нәтижелі пас бар.