Ташуев – Қазақстан құрамасында жұмыс істеу туралы: шабуылға негізделген ойын қойып беремін

«Ахматтың» бұрынғы бас бапкері Сергей Ташуев ASnews.kz тілшісіне берген сұхбатында Қазақстан құрамасын тізгіндеуі туралы ақпаратқа қатысты пікір білдірді.

«Біздің салада «егер солай болса...» деген әңгімелер, қоңыраулар өте көп. Дегенмен, келісімшартқа отыра салу оңай емес, әзірге айтарлықтай ештеңе жоқ. Мені ұлттық құраманы жаттықтыру қызықтыра ма? Әрине, бапкерлік мансабымда мұндай тәжірибе әлі болған жоқ.

Мен өз күшіме сенімдімін, сондықтан өзіме тән футбол стилін қалыптастырғым келеді. Күш салып ойнау керек – үнемі шабуылдап, үстемдік орнатыңыз, сонымен қатар ойыншылардың әлеуетін ашыңыз. Басында маған «Ахматта» Самородовты жалға беру керек деді, бірақ кейін ол көшбасшы ойыншылардың біріне айналды», – деді ресейлік маман.

66 жастағы бапкер бұған дейін посткеңестік екі құраманың қысқа тізімінде болғанын айтқан еді. ҚФФ қазір бас бапкер қызметіне түрлі үміткерлерді қарастырып жатыр.

Ташуевтің соңғы клубы «Ахмат» болды, ол мамыр айынан бері жұмыссыз жүр.