«Ахматтың» бұрынғы бапкері Ташуев: Самородов өзін көрсеткенді ұнатады

«Ахматтың» бұрынғы жаттықтырушысы Сергей Ташуев Максим Самодовтың шеберлігі мен мінезі туралы айтты. Бұл бапкердің тұсында қазақстандық футболшы 29 ойын өткізді. 

«Еуропа футболшыларының деңгейі біздікінен несімен ерекшеленеді? Олар жоқ жерден допты жоғалтпайды. Мысалы Ямалдан допты тартып алу мүмкін емес, ал Максқа қарасаң: «Доптан айырылып қалатындай көрінеді».

Мен «Ахматта» бірге жұмыс істеген Исмаэл командадағы әріптестерін стресске түскен күйде көрді, ал Самородов мұны байқамады. Осы мәселелерді шешсе, ол топ-футболшыға айналады, бірақ әзірге ұлы Хельмут Шён айтқандай: «Маған алаңда не істеп жатқанын алдын-ала білетіндер керек».

Сырға мен татуировкасы бар ма? Ол енді бала емес, бірақ осыған байланысты сұрақтар таусылмайды. Максим сұхбат беріп, өзін көрсетуді жақсы көреді. Тіпті Пеп Гвардиоланың өзі қарапайым, еңбекқор ойыншыларды жақсы көретінін айтты емес пе? Ал Макс өзі үшін емес, жанкүйерлер үшін ойнайтынын түсінуі керек. Барлығы оның мойынындағы татуировкасы мен сырғасына емес, алаңдағы ойынына қарайды», - деді Ташуев BorodAbata.kz сайтына берген сұхбатында.

Айта кетейік, 66 жастағы маман «Уралмен» (1:2) РПЛ-да қалу құқығы үшін өткен алғашқы ойыннан кейін «Ахматтың» бас бапкері қызметінен кеткен болатын. Оның тұсында Самородов 8 гол соғып, 4 ассист жасады.