Германиялық клубқа ауысқан футболшы: «Тобыл» менімен байланысқа шықпады

28 жастағы жартылай қорғаушы Филипп Окс Германияның төртінші дивизионында өнер көрсететін «Вюрцбургер Кикерс» клубымен келісімшартқа отырды, деп хабарлайды ASnews.kz.

Ойыншы өз таңдауын былай түсіндірді:

«Мен Германияға оралу туралы шешім қабылдадым, өйткені таныстарымның барлығы осы жақта. Мен ойын практикасын алғым келеді. Сондықтан осы клубты таңдадым».

Жазда футболшы Қостанайдың «Тобылына» ауысуы мүмкін деген ақпарат шыққан еді. Окс бұл қауесетке де тоқтала кетті:

«Тобылға» келсек, менімен басқа ешкім хабарласпады. Бұл нұсқа қазір өзекті емес шығар», – деді Филипп.

Окс – «Хоффенхайм» академиясының түлегі және бұрын Юлиан Нагельсманн, Маркус Гисдольдың қол астында жаттыққан. Жартылай қорғаушының соңғы клубы Австрияның «Ферст» командасы болды.