Максим Самородов: Ресейдегі алғашқы маусымым жаман болмады

Қазақстан құрамасының шабуылшысы Максим Самородов «Футбол Жолы» ютуб-арнасының жүргізушісі Ербол Қайыровқа берген сұхбатында Ресей Премьер-лигасындағы алғашқы маусымына баға берді, деп хабарлайды BorodAbata.kz.

«Егер өзім жайлы ғана айтатын болсам, жаман ойнаған жоқпын, бұл жаққа тез бейімделдім. Бірден гол соғып, ассист жасай бастадым. Шабуылшы болғандықтан, осындай нәтиже тіркеген өзіме де ұнайды. Құдайға шүкір, қолымнан келіп жатыр.

Егер, командалық ойын жайлы айтатын болсам, біз мұндай жағдайға тап болмауымыз керек еді. Бірақ, өкінішке орай, солай болып қалды. Бақытымызға орай, РПЛ-да қалдық», – деді Самородов.

Максим РПЛ осы маусымында 24 матчқа қатысып, 6 гол соқты, 4 нәтижелі пас берді.