Әліп – Қасымның жарақаты жайлы: Ол бізге алдағы матчтарда көмектеседі деп ойлаймын

Қазақстан құрамасының қорғаушысы Нұралы Әліп «Футбол Жолы» ютуб- арнасының жүргізушісі Ербол Қайыровқа берген сұхбатында Әлібек Қасымның 2026 жылғы әлем чемпионатының іріктеу кезеңіндегі Солтүстік Македониямен болатын матчқа қатыспауына қатысты пікір білдірді, деп хабарлайды BorodAbata.kz.

«Әлібек жарақатына байланысты алдыңғы оқу-жаттығу жиынына да қатыса алмады. Бұл жолы ұлттық құрамаға келу бұйырмаған шығар. Оның тез сауығып кетуіне тілектеспін және келесі ойындарда бізге көмектесетініне сенемін. Ұлттық құрамада басқа да жігіттер бар. Солтүстік Македонияға қарсы жақсы ойын көрсетеміз деп ойлаймын», - деді Әліп.

Еске салайық, Әлібек Қасым «Ақтөбе» - «Қайрат» матчында жарақат алғандықтан Беларусь (5 маусым) және Солтүстік Македонияға (9 маусым) қарсы матчтарда ұлттық құрамаға көмектесе алмайды.