«Жеңістің» бас бапкері Еуропаға кетуі мүмкін

49 жастағы украиналық маман Андрей Демченко маусым соңында «Жеңістен» кетуі мүмкін, деп хабарлайды ASNews.kz. Оған Еуропа клубтары қызығушылық танытуда.

Елордалық клубпен жақсы нәтиже көрсеткеніне байланысты Демченкоға Венгрия, Кипр және Польшаның бес командасы көз тігіп отыр. Тіпті онымен ағымдағы маусым аяқталғаннан кейін келісімшарт жасауға дайын екен.

«Аякстың» бұрынғы футболшысы осы жылдың маусым айында «Жеңісті» тізгіндеген болатын. Елордалықтар оның жетекшілігімен өткізген чемпионаттың он матчында да жеңілген жоқ, сонымен қатар «Елімай» (2:1) және «Астана» (3:2) командаларын жеңді.

Демченко келгенге дейін «Жеңісті» грекиялық маман Акис Вавалис пен қазақстандық бапкер Пиралы Әлиев жаттықтырды.