«Арсеналдың» экс-футболшысы – Сәтпаев туралы: Англияда басқа нәрсеге көңіл аудармау қажет

«Арсенал» мен «Барселонаның» бұрынғы жартылай қорғаушысы Александр Глеб BorodAbata.kz (AS News) сайтына берген сұхбатында Дастан Сәтпаев туралы ойымен бөлісті. Шабуылшы 2026 жылы «Челсиге» ауысады деп күтілуде.

«Англияға келген кезде ең бірінші тіл мәселесін шешу қажет. Осылайша, Дастан алаңда ойыншылармен тіл табысып, командаға тезірек бейімделеді. Екіншіден, жаттығуда барын салып, үнемі прогресс жасап, жылдамдыққа үйрену маңызды», – деді Глеб.

Сонымен қатар, Глеб қазақстандықтарды Англияда күтіп тұрған қауіптер мен қысымдар туралы айтты:

«Егер сіз «Челси» деңгейінде жетістікке жеткіңіз келсе, бірдеңені құрбан етуге тура келеді. Лондонда және кез-келген басқа қалада сенің көңіліңді аулайтын басқа нәрселер болады, бірақ мақсатың айқын болса, баспен ойланып, дұрыс әрекет жасауыңыз қажет. Менің ойымша, мұны Сәтпаевтың өзі де түсінеді – оның бұған қатысты проблемасы жоқ деп ойлаймын.

БАҚ оған үлкен қысым көрсетуде. Бұқаралық ақпарат құралдары: «сәтсіз трансфер», «селекциядағы қателік» деген сөз тіркестерін жазғанда, кейде бұл сізді эмоционалды түрде соққыға жығады. Сондықтан Дастан өсек-аянға мән бермей, бапкер сенімінен ләззат алуы керек, өйткені мұндай клубта барлығы негізгі құрамдағы орын үшін күреседі. Жаттығу процесінде жеңілдіктер жоқ. Оның қолынан бәрі келеді деп үміттенемін», - деді бұрынғы «Арсенал» ойыншысы.

Келісімшарт бойынша Сәтпаев кәмелетке толған бойда «Челсидің» толыққанды ойыншысына айналады. Тамыз айында ҚПЛ-дағы үздік бомбардирлердің бірі 17 жасқа толды.