«Қайсардың» экс-шабуылшысы – Тағыберген жайлы: оның талантты екені осыдан 15 жыл бұрын белгілі болға

Қызылордалық «Қайсардың» бұрынғы шабуылшысы Филип Эдейпо 2011 жылғы маусымда Асхат Тағыбергенмен ойнаған кездегі естеліктерімен бөлісті. Нигериялық футболшының айтуынша, қазіргі «Тобылдың» капитаны жас кезінде-ақ көзге түскен екен.

«Иә, талантты екені көрініп тұрды. Асхаттың ұлттық құрама деңгейіне көтеріліп, тіпті капитан болғанын білгенде қуандым. Өйткені оның бойында ерекше бір нәрсе бар екенін бұрыннан сезіп жүргенмін. Ол кез-келген қашықтықтан жақсы соққы жасайтын және әрдайым көңілді жүретін. Тағыбергенмен бірге серуендеп, балық аулап, жиі сөйлесетінбіз. Жақсы адам, оны қатты бағалаймын», – деді Эдейпо BorodAbata.kz (AS News) сайтына берген сұхбатында.

Асхат Тағыберген – Қызылорда футболының түлегі. «Ақтөбеге» ауысқанға дейін жартылай қорғаушы «қасқырлар» сапында жүзге жуық матч өткізіп тастады. Кейін қайта оралып, «Қайсармен» бірге Қазақстан кубогын жеңіп алды. Жартылай қорғаушы ұлттық құрама сапында 63 ойын өткізді.