Серіков – Суперкубоктағы жеңісі жайлы: дайындалуға көп уақыт болмады

«Қайрат» футзал клубының қақпашысы Нарун Серіков Қазақстан Суперкубогында «Семейге» қарсы өткен ойынды (1:0) қорытындылады, деп хабарлайды BorodAbata.kz (AS News).

«Ойын екі команда үшін де қиын болды, бірақ соған қарамастан біз тапсырманы орындадық. Бізде де, қарсыластарымызда да дайындалуға көп уақыт болмады, формамыз да нашар еді. Аллаға шүкір, жеңіске жеттік. «Қайраттың» алдына әрқашан биік мақсат қойылады, сондықтан осы маусымда жанкүйерлерімізді басқа турнирлерде қуантуға тырысамыз», – деді Серіков.

Суперкубок ойыны Оралдағы су жаңа «Жайық Арена» спорт кешенінде өтті. Жалғыз голды Рафао соқты. «Қайрат» тарихында оныншы рет осы трофейді жеңіп алды.