Ербол Қайыров: Лория «Жеңісті» басқарып отыр және «Қызылжарға» қысым жасауда

Танымал қазақстандық комментатор және спорт журналисі Ербол Қайыров ҚФФ бас хатшысы Давид Лорияның төңірегіндегі жағдайға қатысты пікірімен бөлісті, деп хабарлайды BorodAbata.kz.

Қайыровтың айтуынша, Лория федерацияға тағайындалғанға дейін де «Қызылжарда» бейресми түрде жұмыс істеп, клубтың трансфер саясатымен айналысқан.

«Оның әкесі баяғыда-ақ Австралияға кетіп қалды, ал Петропавлда ақша жымқыру фактісі бойынша сот әлі жалғасуда. Ең қызығы, Дэвид Лория әкесінің арқасында «Қызылжарда» бейресми жұмыс істеген. Ол трансфер саясатымен айналысып, келіссөздер жүргізген. Мен бұл фактіні ойдан шығарған жоқпын – мұны маған футболшылар мен агенттер айтып берду. Клубта қанша грузиялық футболшының ойнағанын қараңызшы – солардың барлығы, тек грузиндер ғана емес, қазақтар мен еуропалық футболшылар да федерацияның қазіргі Бас хатшысы арқылы келді», - деді Қайыров.

Журналист Лория клубқа қысым көрсету үшін әкімшілік ресурсты пайдаланады деген байламға келді.

«Енді ол әкесінің үстінен арыз жазылғанына ашуланып отыр. Ол «Қызылжарға» әкімшілік ресурс арқылы қысым көрсетуде – трансферге тыйым салынғандықтан, клуб шабуылшы Ннамди Аханонуды және басқа да жаңа ойыншыларды тіркей алмады. Давид Григорьевич оларға мынандай ультиматум қойды: трансферлік тыйым «Қызылжар» Григорий Лорияға қарсы жазған арызын қайтарып алғаннан кейін ғана жойылады», – дейді сарапшы.

Бұған қоса, Қайыров «Жеңістегі» негізгі процестерді Лория бақылайды деп мәлімдеді.

«Жеңісті» шын мәнінде кімнің басқарып отырғанын, соңғы шешімді кімнің қабылдайтынын, депутат ретінде осы клубқа бюджеттің бөлінуіне кім дауыс беретінін бәрі біледі. Әрине, бұл Лория Дато! Сондай-ақ ол әйелінің достарын федерацияға жұмысқа орналастырып, келісілген ойындарға келгенде үнсіз қалады», – деп түйіндеді сөзін Қайыров.