«Шахтердың» экс-футболшысы – Костовтың «Ақтөбеге» келуі жайлы: ол – керемет жаттықтырушы

Қарағандылық «Шахтердың» бұрынғы шабуылшысы Иван Пешич BorodAbata.kz сайтына берген сұхбатында жақында «Ақтөбенің» бас бапкері болып тағайындалған болгариялық маманы Николай Костовпен жұмыс істеген кездегі естеліктерімен бөлісті.

«Мен Костовпен бірге жақсы тәжірибе жинадым, жеке өзім оның жетекшілігімен ең жақсы ойынымды көрсете алдым. Ол әр ойыншының көңілін тауып, идеяларды ұжымға енгізуді білетін тамаша жаттықтырушы. Костов допты көп иемденіп, қысқа және орташа пастарды қолдану арқылы шабуылдаушы футболды ұнатады. Бұл стиль шыдамдылық пен уақытты қажет етеді», – деді хорватиялық футболшы.

Пешичтің айтуынша, Костовтың «Ақтөбеге» келуі команданың дамуына оң септігін тигізуі мүмкін.

«Ақтөбе» – үлкен амбициясы бар клуб. Менің ойымша, қазір оны бас бапкер етіп тағайындаудың таптырмас уақыты, өйткені оның ағымдағы маусымды мүмкіндігінше сәтті өткізіп, команданы келесі маусымға дайындауға мүмкіндігі бар», – деді Пешич.

Футболшы Николай Костовтың жетекшілігімен «Шахтер» мен «Каспий» сапында 45 матч өткізіп, 13 гол соқты, 8 нәтижелі пас берді. Пешич Қазақстанда бас-аяғы 47 ойын өткізген.