Жұмаханов – «Қайратты» жеңгені жайлы: Алматыда ойнау әрқашан қиын, бірақ біз бапкердің айтқанын орын

«Елімайдың» қорғаушысы Әділбек Жұмаханов BorodAbata.kz сайтына берген сұхбатында алматылық «Қайратқа» қарсы өткен матчты (3:2) қорытындылады.

«Ойын өте тартысты өтті, біз бұлай болатынын матч басталмай тұрып-ақ түсіндік. Алматыда ойнау бізге ғана емес, басқа командаларға да қиын. Бүгінгі таңда алаңның сапасы нашар болып тұр, бұл да ойынға өз септігін тигізді. Аллаға шүкір, жеңіске жеттік. Бапкердің айтқанын толық орындадық.

Бірінші таймнан кейін жаттықтырушы доппен көп жұмыс істеп, оны бақылауда ұстап, гол соғатын мүмкіндікті пайдалану керек екенін айтты. Ойынға тез оралып, матч тағдырын өзгерту маңызды болды», – деді Жұмаханов.

Турдың қорытындысы бойынша «Қайрат» 43 ұпаймен көш басындағы орнын сақтап қалды, ал «Елімай» (35 ұпай) төртінші орынға көтерілді.