«Елімайдың» уругвайлық легионері: «Қайратпен» қиын матч болатынын білдік

«Елімайдың» уругвайлық қорғаушысы Кевин Ролон BorodAbata.kz сайтына берген сұхбатында «Қайратты» жеңгеннен (3:2) кейінгі әсерімен бөлісті.

«Шынында мен өте қуаныштымын. Біз мықты командаға қарсы ойнадық. Матчтың өте қиын әрі тартысты болатынын білдік. Бірақ, бақытымызға орай, жеңіске жеттік, біз өте қуаныштымыз.

Апта бойы жақсы дайындалдық. Бапкер бізге мұнда ойнаудың қандай болатынын айтты: үлкен стадион, тамаша алаң, мықты қарсылас. Алғашқы минуттарда, мүмкін, жақсы ойнамаған шығармыз, бірақ кейін ойынға жақсы кіріп кеттік. Құдайға шүкір, жеңісті жұлып алдық», – деді Ролон.

Осы кездесуден кейін «Қайрат» 43 ұпаймен көш басындағы орнын сақтап қалды. «Елімай» 35 ұпай жинап, төртінші орынға көтерілді.