Ғалымжан Кенжебек шотландиялық клубтың назарына ілікті

Шотландиялық клубтардың бірі 22 жастағы «Елімай» вингері Ғалымжан Кенжебекті жіті бақылап отыр, деп хабарлайды BorodAbata.kz.

Клубтағы дереккөздің айтуынша, Еуропаның солтүстік-батысында «Қайрат» түлегінің прогрессін байқаған. Оның үстіне, Кенжебек олардың шорт-листіндегі жалғыз қазақстандық футболшы емес екен.

«Қазақстан футболы дамып келеді. Ғалымжаннан бөлек, біздің басқа да ойыншыларды да бақылап отырғанымыз таң қаларлық жағдай емес», – дейді инсайдер.

Осы жазда Кенжебек словакиялық «Кошице» клубынан кетіп, «Елімаймен» келісімшартқа отырған болатын. Агенті Мамука Ломидзенің айтуынша, вингер ағымдағы маусым аяқталғаннан кейін қайтадан командасын ауыстыруы мүмкін.

Ғалымжан «Елімай» сапында бес матчқа қатысып, төрт гол соқты.