Босняк: Башичті «Астанаға» ауысады деп күтпедік – «Шальке» туралы қауесеттер болған еді

Босниялық футбол сарапшысы және танымал Bosniaco X-аккаунтының авторы Иван Башичтің болашағы жайлы пікір білдірді. 23 жастағы ойыншының «Астанадағы» мансабы сәтті басталып, осы аптада Конференция лигасының іріктеу кезеңінде «Лозанна» қақпасына маңызды гол соқты (1:3).

«Менің «Астанаға» қарсы айтар дүнием жоқ, бірақ барлық босниялықтар Иванды мықтырақ чемпионатқа кетеді деп ойлады, «Шальке» туралы қауесеттердің де бекер айтылмағаны анық. Сондықтан оның Қазақстанға кетуі күтпеген жағдай болды. Біз оны әрі қарай да ұлттық құрамаға шақыра береді деп үміттенеміз. Башич ТОП-5 чемпионатқа кетуге дайын ба? Менің ойымша, бұл туралы айтуға әлі ерте, бірақ ТОП-8 немесе ТОП-10 чемпионатта ойнап кетеді.

Мен «Лозаннамен» болған матчтың маңызды сәттерін көрдім. Шынымды айтсам, қарымта ойын оңай болмайды, бірақ Башичтің матч соңында соққан голы үміт беріп тұр. Оның үстіне, «Астана» өз алаңында ойнайды», – деді сарапшы BorodAbata.kz сайтына берген сұхбатында.

Еурокубоктағы қарымта ойын 14 тамызда «Астана Аренада» өтеді. Алғашқы матчтағы жалғыз голдың авторы Башич елордалық клубқа «Оренбургтан» келіп қосылды.