Боснияда Башичтің ойынына баға берді: оның ТОП-5 лигаға ауыспағанына таң қаламыз

Босния футболы туралы ақпарат тарататын Selekcija X-аккаунты BorodAbata.kz сайтымен сұхбатта Иван Башичтің «Лозаннаға» қарсы ойынына (1:3) пікір білдірді. Жартылай қорғаушының соққан голының арқасында «Астана» келесі матчтағы мүмкіндігін сақтап қалды.

«Астанаға» және кез-келген басқа қазақстандық командаға қарсы сырт алаңда ойнау әрқашан қиын, сондықтан «Лозаннадан» өтуге мүмкіндік бар. Бірақ олар кешегіден жақсырақ өнер көрсетуі керек.

Ұлттық құрамамыздың бапкері айтқандай, Башич алдағы 10-12 жылдағы команданың маңызды бөлігі болады, сондықтан Иван қай чемпионатта ойнаса да, оны Босния құрамасына шақырту керек. Бірақ біз Боснияда оның неге әлі күнге дейін ең болмағанда ТОП-5 лиганың екінші жартысындағы командаға ауыспағанына таң қалдық.

Башич керемет қасиеттерге ие. Неліктен бұл ойыншы әлі күнге дейін атпады? Себебі ол РПЛ аутсайдерінде тым ұзақ жүріп қалды – ол жерде өзін көрсете алмады. Енді «Астанада» оған ыңғайлырақ болады», - деді сарапшы.

23 жастағы жартылай қорғаушы «Лозаннаға» қарсы матчта айып алаңының сыртынан ғаламат соққы жасап, гол соққан еді. Бұған дейін Башич үш жыл бойы «Оренбургтың» намысын қорғап келді.