Матч орталығы
Қазақстан құрамасы ФИФА рейтингінде 119-орынға сырғыды
18 қараша, 13:04

Фото: Қазақстан ұлттық құрамасы
Халықаралық футбол федерациясы (ФИФА) ерлер құрамаларының жаңартылған рейтингін жариялады. Қазақстан ұлттық командасы 117-ші орыннан 119-шы сатыға төмендеді, деп хабарлайды ASnews.kz.
Қазіргі уақытта Қазақстан құрамасының еншісінде 1160,72 ұпай бар. Джон ван ’т Схиптің жетекшілігімен өткен соңғы матчтарда ұлттық команда Словакиямен тең ойнап (2:2), Молдовадан жеңіліс тапқан еді (1:2).
Ал Ұлттар лигасындағы топтағы қарсыластарымызға келсек, олардың арасындағы ең жоғары орынды Словакия иеленіп отыр – олар 45-ші орыннан 47-ші сатыға сырғыды. Фарер аралдары өз көрсеткішін жақсартып, 126-шы орыннан 123-ші орынға көтерілді, ал Молдова командасы бұрынғы 157-ші позициясын сақтап қалды.
Еске сала кетейік, 2026/2027 жылғы УЕФА Ұлттар лигасының маусымы Қазақстан құрамасы үшін сәтсіз аяқталды. C3 тобындағы алты турдың қорытындысы бойынша ұлттық команда бірде-бір жеңіске жете алмай, үш мәрте тең түсті және үш рет жеңіліске ұшырады. Бар болғаны үш ұпай жинаған қазақстандықтар өз квартетінде соңғы, төртінші орынды еншіледі.
Ахмет Ержанов