Матч орталығы
Скотт Манн – кландардың ықпалы туралы: ондай күндер артта қалды
17 қараша, 16:12

Фото: Скотт Манн
Қазақстан футбол федерациясының (ҚФФ) бас хатшысы Скотт Манн отандық футболдағы ықпалды «кландардың» бар болуы тақырыбын және бұрынғы бас бапкер Джон ван ’т Схип тұсында ұлттық құраманы жасақтау принциптерін түсіндірді, деп хабарлайды ASnews.kz.
«Басқа елде жұмыс істеудің қызығы – жаңа мәдениеттерді тану. Мен үйреніп жатырмын. Мен, әрине, қазақстандық медиа бойынша сарапшы емесмін, бірақ олардың жұмысы қытайлық БАҚ-қа өте ұқсас деп айта аламын. Соңғы 4 айда Қазақстанның рулары, кландары және тарихы туралы білгенім анық. Бұл элементтер отбасыларда және олардың істерінде үлкен рөл атқарады. Мен сіз айтып отырған адамдарды білемін. Олармен жеке кездескен жоқпын – мен үкіметтің ресми тұлғаларымен, клуб өкілдерімен және біздің жұмысымызға қатысы бар барлық тараптармен кездестім».
Манн қандай da бір сыртқы қысымға қарамастан, ұлттық құрамаға ойыншылар қатаң түрде спорттық өлшемдер бойынша іріктелгенін баса айтты:
«Джонның (ван ’т Схиптің) келуіне қалар болсақ: ол футболшыларды қабілеттері мен өсу әлеуеті негізінде таңдады. Ол қандай да бір топтарға немесе агенттерге қатысты біржақты болған жоқ. Бәрі өте түсінікті еді. Мен ойыншылармен сөйлестім: олар өткеніне немесе байланыстарына емес, еңбектеріне қарай құрамаға шақырылды. Олардың өздері де мұны ашық мойындайды – оларды нақты деңгейі үшін таңдады. Бәрі дәл осылай болуы керек.
Мен бұл ортадағы адамдармен кездесуді жоспарлап отырған жоқпын. Ойыншылар кулуарлық әңгімелер мен закулистік келіссөздер арқылы таңдалатын күндер менің тұсымда енді қайталанбайды», – деді Манн.
Еске сала кетейік, нидерландтық маман Джон ван ’т Схиптің басшылығымен Қазақстан құрамасы УЕФА Ұлттар лигасының C дивизионындағы өнер көрсетуін аяқтады. Қорытынды турда қазақстандықтар өз алаңында Словакиямен тең ойнады (2:2). Алты матчтың қорытындысы бойынша ұлттық команда үш ұпай жинап (үш тең ойын, үш жеңіліс), C3 тобында соңғы, төртінші орынға тұрақталды.
Келісімшарт мерзімінің аяқталуына байланысты Джон ван ’т Схип Қазақстан құрамасының бас бапкері қызметінен кетеді.
Әлім Динасылов