Матч орталығы
ҚФФ мен «Яндекс» арасындағы келісім жүзеге аспауы мүмкін: толығырақ
17 қараша, 13:50

Қазақстан футбол федерациясы мен «Яндекс» компаниясы арасындағы коммерциялық келісім жүзеге аспай қалуы мүмкін, деп хабарлайды ASnews.kz.
Бұған дейін біздің портал «Яндекс» компаниясының (оның құрамына ірі ресейлік «Кинопоиск» киносервисі кіреді) премьер-лига матчтарын көрсету үшін медиақұқықтарды сатып алуға 20 миллион долларға дейін ұсыныс жасағаны туралы хабарлаған болатын.
Алайда компания ойындарды көрсетуге эксклюзивті құқық алғысы келеді, ал ҚФФ басқа да телесеріктестермен ынтымақтастық орнатуды жоспарлап отыр.
Еске сала кетейік, бұған дейін ҚФФ бас хатшысы Скотт Манн келесі маусымнан бастап ҚПЛ матчтарының теледидардан көрсетілімін жанкүйерлер үшін ақылы ету бастамасымен сөз сөйлеген еді.
Әлім Динасылов