«Локомотив» түлегі – «Тобылдың» жаңа ойыншысы туралы: Девенс – техникасы мығым шабуылшы

«Динамо» (Санкт-Петербург) вингері Дзамболат Цаллагов «Тобылға» жаңадан келген Энрике Девенс туралы пікір білдірді. Олар үш жыл бұрын литвалық «Дайнава» клубында бірге ойнаған.

«Маған Энрикенің ойыны ұнады: допты қалай ұстау керектігін білетін икемді шабуылшы. Ол «Дайнаваға» маусым ортасында келіп, команданы шынымен де күшейтті. Негізгі артықшылықтары? Керемет ашыла біледі және техникасы мықты, тез шешім қабылдайды. Қарсыласын бірге-бір алдап өте алады.

Сәнқой дейсіз бе? Құлағына таққан сырғасы мен түрлі киімдерінің бәрі оның ойынына әсер етпейді (күлді). Негізі Девенс салмақты футболшы, жеңілгенді ұнатпайды. Айтпақшы, ол аздап орысша сөйлейді», – деді Цаллагов BorodAbata.kz сайтына берген сұхбатында.

28 жастағы шабуылшы «Бабрунгас», «Трансинвест» және «Аль-Бидда» командаларында өнер көрсеткен. Девенстің соңғы клубы Владимир Чебурин баптайтын «Жальгирис» болды, ол жақтағы 20 матчта жеті гол соғып, бір нәтижелі пас берді.