Матч ТВ комментаторы: Башичке «Астанада» ойнау қолайлы болып тұр

«Матч ТВ» комментаторы Артем Шмельков Иван Башичтің «Астанаға» ауысуы жайлы пікір білдіріп, босниялық жартылай қорғаушының қасиеттеріне тоқталды.

«Иван балқандық футболшы, жанындағы әріптестерімен жақсы қарым-қатынас орната алады, бірақ бұл жағынан «Оренбургта» жолы болмады. Ол жақта Балқан елінің өкілдері санаулы болды, ал «Астанадағы» жағдай Башичке қолайлы болып тұр. Балқан түбегінің футболшылары осыған қатты тәуелді болып келеді.

Шеберлікке келетін болсақ, ол өте сапалы ойыншы. Ресейге келгенде, Иван жастар құрамасына шақыртылды, ал Марцел Личканың кезінде тұрақты түрде негізгі құрамның ойыншысы болды. Маған оның ойыны әрқашан ұнайтын: оның орташа және ұзақ қашықтыққа жақсы пас асырады, алаңды көре алады, стандарттар мен бұрыштамаларды өзі орындайды. Бірақ оның соққысын осы уақытқа дейін ешқандай команда пайдалана алмады», - деді сарапшы BorodAbata.kz сайтына берген сұхбатында.

Башич «Астанамен» 2026 жылдың соңына дейін жарамды келісімшартқа отырды. Командада Башичтен басқа Йосип Чондрич, Алекса Аманович, Марин Томасов секілді балқандық ойыншылар бар.