Ғалымжан Кенжебек: мен үшін «Қайратқа» жол жабық

Қазақстан құрамасының шабуылшысы Ғалымжан Кенжебек ASnews.kz сайтына берген берген сұхбатында «Қайратқа» қайта оралмайтынын ашық айтты.

– «Қайратқа» жол жабық деп ойлаймын. Сондықтан ол жаққа хабарласудың еш мағынасы жоқ. Ол жақтан кететін кезде үлкен мәселелер болғандықтан, қайта оралмаймын.

Бір жыл бұрын менің «Жеңіспен» келісімшартым болды. Бірақ ол клубта ойнай алмадым. Өйткені сол кезде «Қайратпен» келісімшартым аяқталып жатты. Ал олар менен өтемақы ретінде көп ақша сұрады. Ондай ақшаны мен үшін ешкім төлей алмайды. Сол себепті Кипрге кетуге тура келді, заң бойынша төрт ай сол жақта ойнап, басқа клубқа өтемақысыз ауысу үшін. «Қайратпен» осы мәселе туындаған кезде ағамыз Улугбек Пахридинович [Асанбаев] көмектесті. Ол кісіге үлкен алғыс айтамын. Одан бөлек, өзімнің агентім Мамука (Маму Ломидзе) және Сергей деген агент-досы болды. Солар да көп көмектесті. Әрі қарай да олармен байланысымды үзбеймін деген ойдамын.

– Егер сені Қазақстанға шақырса, қай клубқа барғың келеді?

Қазір Қазақстанға қайту ойымда жоқ. Егер болашақта қайтып жатсам, бірінші кезекте «Ақтөбені», кейін «Астананы» таңдаймын. Неліктен «Ақтөбені» бірінші орынға қойдым? Тамаша жанкүйерлері бар. Максим Самородов, Рамазан Оразовқа қандай керемет қолдау көрсетілді. Ақтөбе – нағыз футбол қаласы. Егер өзіңді жақсы көрсетсең, тамаша қолдауға ие боласың.

– Сол «Ақтөбе» саған бір рет болсын хабарласты ма?

Қазақстандық клубтар маған ұсыныс жасады дегенді естімедім. Қазір мен елге қайтпай, өзімді Еуропада сынағым келеді. Қазақстанға болашақта да қайтып үлгеремін.

Ғалымжан «Қайрат» академиясында тәлім алып, 2024 жылға дейін алматылық клубта доп тепті.

Қоса кетейік, ресейлік «Ахматқа» көшкелі Кенжебек екі матчта тек төрт минут ойнады.