«Елімай» капитаны Рамазан Оразов мансабын өзге клубта жалғастыруы мүмкін

Қазақстан ұлттық құрамасының жартылай қорғаушысы әрі семейлік «Елімайдың» капитаны Рамазан Оразов ауысуы мүмкін клубтардың бірнеше нұсқасын қарастырып жатыр, деп хабарлайды ASnews.kz.

28 жастағы футболшының қызметіне Қазақстан премьер-лигасының бірнеше ұжымы нақты қызығушылық танытып отыр. Дегенмен, Оразовтың «Елімаймен» келісімшарты 2027 жылдың соңына дейін есептелген. Биылғы маусымда жартылай қорғаушы барлық турнирде 21 матч өткізіп, төрт гол соқты және алты нәтижелі пас берді.

Айта кетейік, Оразовтың трансферлік құны 600 мың еуроға бағаланып отыр. Футболшы семейлік клуб сапына 2025 жылдың жазында даниялық «Силькеборгтан» ауысып келген болатын. Бұдан бөлек, өз мансабында ойыншы словениялық «Копер», ресейлік «Чайка», латвиялық «Даугавпилс» және отандық «Ақтөбе», «Тобыл», «Ақсу» мен «Қайрат» командаларында өнер көрсеткен. Ал Қазақстан ұлттық құрамасы сапында 42 кездесу өткізіп, екі гол соқты және екі нәтижелі пас берді.

Қазақстан құрамасынан үміткер еурокубокта «Наполиді» ірі есеппен жеңді