Финляндиялық бапкер 2007 жылғы ҚПЛ медалін алғысы келеді: әлі күнге дейін бермеді

«Шахтердың» және Қазақстан жастар құрамасының бұрынғы бас бапкері Юха Малинен BorodAbata.kz тілшісіне берген сұхбатында ҚПЛ-дың 2007 жылғы маусымында жеңген қола жүлдесін әлі алмағанын айтты.

«2007 жылы мен «Шахтерды» маусым жартысына дейін жаттықтырдым – командамен бірге 20 шақты матч өткіздім. Келісімшарт бұзылған кезде біз үшінші орында едік, маусым соңында клуб қола медаль жеңіп алып, еурокубоктарда ойнау құқығына ие болып, маусымды мен қойып кеткен позицияда аяқтады», – деп еске алады маман.

Алайда, Малинен сол жүлдесін әлі күнге дейін алмаған екен:

«Маусым қорытындысы бойынша жеңіп алған қола медальды алған жоқпын. Ұзақ үзілістен кейін болса да, алғаным жақсы болар еді. Бұл Қазақстанда өткізген уақытты жақсы еске түсіретін еді. Бірақ ол жақтан тек жақсы естеліктер қалды».

«Осы мүмкіндікті пайдаланып, федерацияның, Премьер-лиганың, футболшылар одағының және, әрине, «Шахтердің» өкілдеріне айтқым келеді. Бұл медальді кешігіп болса да алуға болатын шығар», – деді бапкер күлімсіреп.

Финляндиялық маман 2007 жылдың қаңтарынан тамызына дейін «Шахтерды» жаттықтырды. Содан кейін Қазақстан U-21 құрамасын баптау туралы ұсынысты қабыл алды, бірақ ол жақта үш айдай жұмыс істеп, қазан айында қызметінен кетті.

Малинен қазір Финляндия футбол қауымдастығының басқарма мүшесі ретінде еңбек етіп жүр.