«Милованович – ҚПЛ-дың ең үздік шабуылшысы»: Герра – «Қайратты» тас-талқан етуі туралы

Қазақстан премьер-лигасының 26-туры аясында алматылық «Қайратқа» (4:1) қарсы сырт алаңдағы матчта жеңісті нүкте қойған қостанайлық «Тобылдың» венесуэлалық вингері Луис Герра ASnews.kz сайтына берген сұхбатында жарқын ойынды қорытындылап, лиганың үздік сұрмергенінің ойынын бағалады және жанкүйерлерге қолдауы үшін алғыс айтты.

– Луис, бүгінгі матчты қалай бағалайсыз?

– Керемет қарсыласқа қарсы осындай сапалы ойын көрсеткенімізге өте қуаныштымыз. «Қайрат» – чемпиондық атаққа үміткер. Біз өте ақылды әрі тактикалық матч өткіздік, сондықтан бұл жеңіске қатты қуанып, үйге көтеріңкі көңіл-күймен оралып барамыз.

– Клубтасыңыз Урош Миловановичті Қазақстан лигасындағы ең үздік шабуылшы деп атауға бола ма?

– Иә, сөзсіз. Ол біздің шабуылшымыз және қазіргі таңда турнирдің ең үздік сұрмергені. Біз ол үшін өте қуаныштымыз және оған көп гол соғуға көмектесуді жалғастырамыз деп үміттенеміз. Маусым соңында оның ең үздік сұрмерген деген жеке марапатты алғанын және ең бастысы «Тобылға» жеңіс әкелуді жалғастырғанын қалаймыз.

– Бүгін команданы сырт алаңда қолдаған «Тобыл» жанкүйерлері туралы не айтасыз?

– Бізді қолдау үшін үлкен құрбандықтарға барып, осыншама жол жүріп келген барлық «Тобыл» жанкүйерлеріне алғыс айтқым келеді. Біз оларға өте ризамыз. Үйлеріне бақытты болып оралуы үшін бұл жеңісті соларға арнаймыз.

– Маусымның басында бас бапкер командада «кішкентай команда синдромы» болғанын айтқан еді. Енді «Қайрат» сияқты клубтарды жеңу – мәселе емес пе?

– Шынымен де, біз маусымды аса жақсы бастаған жоқпыз. Бірақ бірте-бірте команда еркінірек ойнап, өзінің ең мықты нұсқасын көрсете бастады. Бүгін біз «Қайрат» сияқты мықты қарсыласқа қарсы жақсы футбол көрсете алдық, бұған өте қуаныштымыз.

Еске сала кетейік, ҚПЛ-дың 26-турындағы матч «Тобылдың» «Қайратты» сырт алаңда 4:1 есебімен ірі жеңуімен аяқталды. Луис Герра қостанайлықтардың төртінші, қорытынды голының авторы атанды.

Бұл жеңіс «Тобылға» 34 ұпай жинап, турнирлік кестеде жетінші орынға табан тіреуге мүмкіндік берді. Бұл жеңілістен кейін «Қайрат» (57 ұпай) чемпионаттағы көшбасшылықты шымкенттік «Ордабасыға» (58 ұпай) беріп қойды.

«Холанд пен Мбаппе де мүлт кетеді»: Милованович – «Қайрат» қақпасына соққан дублі туралы