«Қайраттың» қателескенін күтеміз»: «Ордабасы» қорғаушысы «Астананы» жеңгені туралы

Шымкенттік «Ордабасының» қорғаушысы Никола Антич ASnews.kz сайтына берген сұхбатында Қазақстан премьер-лигасының 26-турындағы орталық матчта елордалық «Астананы» (1:0) өз алаңында жеңгеніне қатысты пікір білдірді.

«Әрине, қысым бар. «Қайрат» бізден озып кетті – бұл қуантпайды. Бүгінгі ойын жақсы өтті, «Астана» – мықты қарсылас. Жақсы ойнадық, команданы құттықтаймын. Осы бағытты ұстанып, «Қайраттың» ұпай жоғалтуын күтуіміз керек. Соған үміттенеміз.

«Астананың» алаң сапасына шағымдануы ма? Ол бір ай бұрынғыға қарағанда тәуірірек. Алаң қалыпты, бірақ, әрине, Астанадағыдай емес, өйткені онда жасанды көгал. Табиғи алаң, адамдар тырысып жатыр – жарайсыңдар. Ойнауға болады. Әр ойында, мейлі өз алаңымызда болсын, мейлі сыртта болсын, бізге қысым бар. Өйткені қазір нағыз күрес, тартыс жүріп жатыр, бәрі қиын болады. Әр матчта жеңіске жету керек. Бұйырса, «Қайрат» ұпай жоғалтады», – деді Антич.

Еске сала кетейік, «Ордабасы» Шымкенттегі Орталық стадионда 78-минутта Жасұлан Әмір соққан жалғыз голдың арқасында «Астанадан» жеңісті жұлып алды.

Бұл жеңіс шымкенттіктерге 58 ұпай жинап, турнирлік кестеде бірінші орынға көтерілуге мүмкіндік берді. Алматылық «Қайрат» (57 ұпай) екінші сатыға төмендеді, алайда оларда бір матч бар: 13 қыркүйекте команда өз алаңында қостанайлық «Тобылды» қабылдайды және жеңіске жеткен жағдайда көшбасшылықты қайтара алады. «Астана» тур қорытындысы бойынша үшінші орында қалды.

Эльхан Астановтың «Ордабасы» сапына қашан оралатыны белгілі болды