Уразбахтин - «Қайсармен» болған тең ойын жайлы: ұпай жоғалту туралы ойламадық

Алматылық «Қайраттың» бас бапкері Рафаэль Уразбахтин қызылордалық «Қайсармен» болған (1:1) тең ойынға қатысты пікір білдірді, деп хабарлайды BorodAbata.kz.

«Әрине, қызыл қағаз матчқа өзіндік түзетулер енгізді. Бұл бұл ойында ұпай жоғалтамыз деп ойламадық. Жақсылап дайындалдық. Қызылордадағы бірінші матчты сараптадық. Бәрі жоспар бойынша өтті. Жігіттер тырысты, бәрін істедік. Бірінші таймда әжептеуір мүмкіндіктер тудырдық. Өкінішке орай, гол соға алмадық. 1:0 – сусымалы есеп. Жоқ жерден қызыл қағаз алдық. Төрешінің сол сәтте не көргені белгісіз. Он футболшымен болса да, соңына дейін ойнауға тырыстық, ойыншыларды алмастырып, шабуылды күшейтуге тырыстық, бірақ, өкінішке орай, бүгін қарсыласқа қол соғуымыз қажет – олар жақсы қорғанды. Осал тұсын таба алмадық. Мүмкіндіктер болды, бірақ оларды жүзеге асыру керек еді. Тең нәтижеге қарамастан, жігіттерге барын салып, он ойыншымен қалса да қолын бір сілтемей, соңына дейін ойнағаны үшін алғыс айтқым келеді.

Алға қарай жылжи береміз. Талдауға уақыт жоқ. Біз келесі матчқа дайындалуымыз керек. Ертең таңертең шетелге ұшамыз, бар назарымызды басқа турнирге аударамыз.

Чемпиондар лигасының матчтарынан кейін чемпионатқа ауысу психологиялық тұрғыдан қиын ба? Олар кәсіби футболшылар, алаңға шығуы керек, бәрінің келісімшарттары бар. Қандай турнир екені маңызды емес – олар жеңіске жетуге міндетті. Мен олардан ауысу қиын ба деп сұрамаймын. Сіз кәсіби футболшысыз, басқа елден келдіңіз. Неліктен бұл сізге қиын болуы керек? Алаңға шығып, нәтиже әкелулерің қажет», - деді Уразбахтин.

«Қайрат» - «Қайсар» кездесуі 1:1 есебімен аяқталды.