Кумыков «Қайратпен» өткен матч жайлы: он адамға қарсы ойнасақ та, қиын болды

«Қайсардың» бас бапкері Виктор Кумыков Қазақстан Премьер-лигасының 17-турында алматылық «Қайратқа» қарсы өткен матч (1:1) жайлы пікір білдірді, деп хабарлайды BorodAbata.kz.

– «Қайратқа» қарсы ойнау қиын.

Тіпті олардың негізгі құрамындағы ойыншылардың бәрі алаңда болмағанның өзінде – команданың деңгейі бізге қарағанда әлдеқайда жоғары. Әсіресе, матчтың табиғи төсеніште өтуі қиындық туғызды. Біз үнемі жасанды төсеніште жаттығамыз, оның сапасы да мәз емес. Аяқ бір төсенішке үйреніп қалады. Мүмкін, біздің матч алдында жаттығу жасағанымыз дұрыс болмаған шығар. Бірақ басқа амалымыз да болмады. Әдетте ойын күні келеміз, бірақ ол кезде жігіттер аяқтарының «ауыратынын» айтып жатады.

«Қайрат» бір ойыншыға кем бола тұра, біз ештеңе жасай алмадық. Бірақ жанкештілік жағынан алғанда тең нәтиженің тіркелуі әділетті.

Су ішу үшін берілген үзіліс кезінде кімнің қай позицияда тұру керектігін түсіндірдім. Әсіресе, ортаны ашық қалдырмауды сұрадым – көп соққы сол қанаттан жасалды. Тактикалық тұрғыда сол жақты жабуға тырыстық.

Ағзамбаев бүгін нашар ойын көрсетті. Қорғаныста бірқалыпты ойнағанымен, допты жиі жоғалтып алды. Шабуылда басқаша ойнауы керек еді – допты ұстап, мүмкіндік тудыруы тиіс болған. Айманов алғашқы жиырма-отыз минутта жақсы ойнады, кейін қарқыны бәсеңдеді. Барлығының аяқтары тартылып қалған екен. Алаң ауыр, иә, бұл жерде басқалар да ойнайды, бірақ бізге мұнда ойнау өте қиын – деді Кумыков.

«Қайрат» пен «Қайсар» арасындағы матч 1:1 есебімен аяқталды.