«Ақтөбенің» экс-шабуылшысы ҚПЛ-ға оралуы мүмкін: толығырақ

Алматылық «Қайрат» бразилиялық шабуылшы Рожерио Шинаны шақыру мүмкіндігін қарастырып жатыр, деп хабарлайды ASnews.kz.

Португалияда сәтті ота жасалған негізгі форвард Жоржиньоның жарақаты алматылық клубты трансферлік нарыққа қайта шығуға мәжбүр етті. Қарастырылып жатқан кандидаттардың бірі – 30 жастағы Рожерио Шина. Оның ҚПЛ-дағы тәжірибесі мен еркін агент мәртебесі бұл нұсқаны тартымды етіп отыр.

«Қайраттан» бөлек, бразилиялық шабуылшыға ҚПЛ-дың басқа да клубтары қызығушылық танытып отыр.

«Ақтөбе» сапында Рожерио Шина 44 матч өткізіп, 10 гол соқты және бес нәтижелі пас берді, ал «Елімай» сапында 27 кездесуге қатысып, алты гол соғып, төрт ассист жасады. Футболшының соңғы клубы вьетнамдық «Ханой» болды.

20 турдан кейін Рафаэль Уразбахтиннің командасы «Ордабасыдан» төрт ұпайға қалып, турнирлік кестеде екінші орында келеді.

«Қайрат» Канье Уэсттің концертінен кейін өтетін матчқа қатысты мәлімдеме жасады