«Қайрат» Канье Уэсттің концертінен кейін өтетін матчқа қатысты мәлімдеме жасады

Қазақстан премьер-лигасының тоғызыншы туры аясындағы «Қайрат» пен «Ұлытау» арасындағы матч көрерменсіз өтеді. Кездесу 15 тамыз күні сағат 18:00-де басталады, деп хабарлайды алматылық клубтың баспасөз қызметі.

Бастапқыда бұл ойын Алматының Орталық стадионында өтуі тиіс еді, алайда америкалық рэпер Канье Уэсттің концертінен кейінгі демонтаж жұмыстарына байланысты матч Т. С. Сегізбаев атындағы «Қайрат» ФК Академиясының алаңына ауыстырылды.

Трибуна сыйымдылығының аздығы мен академияның инфрақұрылымдық шектеулеріне байланысты ойын жабық режимде өтеді.

Кездесудің тікелей көрсетілімі «Кинопоиск» қосымшасы мен KFF League YouTube-арнасында қолжетімді болады.

Еске сала кетейік, концертке дайындық салдарынан «Қайрат» Чемпиондар лигасының үшінші іріктеу кезеңіндегі болгариялық «Левскиге» қарсы өз алаңындағы матчын Түркістан қаласына ауыстыруға мәжбүр болған еді. Рафаэль Уразбахтиннің шәкірттері екі кездесуде де бірдей есеппен (0:1) есе жіберіп, турнирден шығып қалды.