«Ақтөбе» Алықұловқа қызығушылық танытуда. «Қайраттың» бұрынғы футболшысы ҚПЛ-ға оралуы мүмкін

Гүлжігіт Алықұловтың агенті Әлім Михеев «Ақтөбе» осы жазда мәскеулік «Торпедо» командасының жартылай қорғаушысын қатарына қосуды жоспарлап отырғанын айтты.

«Мен «Ақтөбенің» басшылығымен сөйлестім. Олар футболшының қаржылық талаптарын білгісі келді, бірақ біздің сұраған ақшамыз олар үшін тым жоғары болып көрінді. Егер «Торпедо» РПЛ-дағы орын үшін таласпаса немесе жабылып қалса, біз нақты келіссөздерге кірісер едік. Маған Венгрияның және Қазақстанның басқа да клубтары хабарласты», - деді Михеев BorodAbata.kz тілшісіне берген сұхбатында.

Еске салайық, «Торпедо» өткен маусымның қорытындысы бойынша РПЛ-ға жолдама алғанымен, клуб Премьер-Лигаға жіберілмеді. Оған келісілген матчтарды ұйымдастыруы себеп болды.

Бұған дейін Алықұлов ҚПЛ-да «Қайраттың» намысын қорғаған. Алматылық клубта өткізген 99 ойынында 13 гол соғып, 13 нәтижелі пас берді. Қазақстан чемпионы және ел кубогының иегері атанды.