Михаил Ломтадзе Әли Әлиевтің «Жеңістегі» тағдырын шешеді

«Жеңіс» ФК иесі, «Kaspi.kz» АҚ акционері, директорлар кеңесінің мүшесі және басқарма төрағасы Михаил Ломтадзе елордалық клуб басшылығымен алдағы кадрлық шешімдерді талқылайды, деп хабарлайды ASnews.kz.

Кездесудің басты тақырыбы – команданың бас бапкері Әли Әлиевтің болашағы болмақ. Жақын арада клуб оған қатысты түпкілікті шешім қабылдайды деп күтілуде.

Ықтимал отставкаға команданың соңғы ойындардағы сәтсіз нәтижелері себеп болып отыр: «Жеңіс» соңғы төрт матчта бірде-бір жеңіске жете алмай, екі рет тең түсіп, екі рет жеңіліске ұшырады.

Қазіргі уақытта «Жеңіс» қоржынында 23 ұпаймен ҚПЛ турнирлік кестесінің сегізінші орынында келеді.

Еске сала кетейік, кәсіпкер Михаил Ломтадзе астаналық клубты өткен жылдың қараша айында сатып алған болатын.