«Қайрат» қайтадан трансферлік нарыққа шықты: Жоржиньо жыл соңына дейін қатардан шықты

«Қайраттың» португалиялық шабуылшысы Жоржиньо маусымның қалған бөлігіне қатыса алмайды, деп хабарлайды ASnews.kz.

ҚПЛ-дың 19-турындағы «Ордабасыға» қарсы ойыннан кейін (2:1) алматылықтардың 28 жастағы форвардының тізедегі айқыш тәрізді байламдары үзілгені анықталды. Қазіргі таңда балдақпен жүрген футболшы тоғыз айға дейін алаңға шыға алмайды.

Осылайша, «Қайрат» еркін агент мәртебесінде тіркеуге болатын жаңа шабуылшыны шұғыл түрде іздеуге кірісті. Дәл осындай іздеу жұмыстарын қостанайлық «Тобыл» да жүргізіп жатыр.

Еске сала кетейік, Жоржиньо алматылық клубқа 2025 жылы ауысқан болатын. Ағымдағы маусымда легионер 23 матч өткізіп, тоғыз гол соқты және төрт нәтижелі пас берді. Бұған дейін ол Люксембургтің «Дифферданж» клубында өнер көрсеткен.

«Бұл – жақсы жұмыстың көрсеткіші»: «Қайраттың» экс-сұрмергені – клубтың еурокубоктағы жетістігі туралы