Эксклюзив: ҚПЛ матчтары мен Қазақстан кубогы финалының нақты ауыстырылған мерзімдері белгілі болды

Қазақстан премьер-лигасының (ҚПЛ) ауыстырылған матчтарының және ел Кубогы финалының дәл қай күндері өтетіні белгілі болды, деп хабарлайды ASnews.kz.

Маусымның шешуші матчтарының жаңа күнтізбесі:

• 17–18 қазан (сенбі – жексенбі): ҚПЛ-ның кейінге шегерілген 23-турының ойындары өтеді.

• 24–25 қазан: ҚПЛ-ның 29-туры өтеді (бұған дейін 17–18 қазанға жоспарланған болатын).

• 1 қараша: Қазақстан чемпионатының соңғы туры өтеді.

• 7 қараша: Қазақстан кубогының финалы өтеді (бастапқыда матч 25 қазанға жоспарланған еді).

29-тур неге жылжыды?

29-турдың 24–25 қазанға ауыстырылуы регламент талаптарына байланысты: чемпионаттың соңғы екі турын бір-бірінен бөлуге болмайды, олар шешуші кезеңде бірінен соң бірі ретімен өтуі тиіс.

Бұған дейін ҚФФ баспасөз қызметі елдегі саяси шараға байланысты 23-турдың ауыстырылғанын хабарлаған болатын. Туризм және спорт министрлігі Спорт және дене шынықтыру істері комитетінің 2026 жылғы 28 шілдедегі хатына сәйкес, 2026 жылғы 23 тамызға жоспарланған барлық спорттық жарыстар осы күні Құрылтай сайлауының өтуіне байланысты кейінге шегерілді.

ҚФФ «Ұлытау»–«Ертіс» матчына тексеріс жүргізеді