ҚФФ директоры – жекешелендіру процессі жайлы: 13 клуб жекенің қолына өтті, енді «Астана» бойынша жұмыс жасаудамыз

ҚФФ Басқарушы директоры Бекжан Сафинов Қазақстанда жекешелендірілген клубтардың нақты санын айтып, «Астана» клубы туралы да пікір білдірді, деп хабарлайды ASnews.kz.

«Бүгінгі күні елімізде 13 клуб жекешелендірілді. Құдай қаласа, жақын арада он төртінші клуб – Қазақстан футболының флагманы саналатын «Астана» футбол клубы да жекенің қолына өтеді деп үміттенеміз.

Қазақстан футбол федерациясы «Астананы» жекешелендіру процесіне қатысып жатыр ма? Иә, біз бұл жұмыстың көптеген бағытына қатысып жатырмыз. Бұл тек инвестор іздеумен ғана шектелмейді. Шын мәнінде өте үлкен жұмыс атқарылып жатыр. Бірақ оның мән жайын айта алмаймын. Мұнда нақты кімнің қандай жұмыс істеп жатқаны маңызды емес. Ең бастысы бұл процесс жүріп жатыр. Федерация да оған қатысады. Бірақ қандай көлемде және нақты қалай қатысатынымызды жариялай алмаймын», – деді Сафинов ҚФФ ютуб-арнасына берген сұхбатында.

Бірінші лигада «Шахтер» мен «Тұран» клубтары жекешелендірілсе, ҚПЛ-да «Жеңіс», «Ақтөбе», «Ордабасы», «Қызылжар», «Қайсар», «Оқжетпес», «Атырау», «Елімай» секілді клубтар жекенің қолына өтті.