«Сары қағаздар тек біз үшін емес, екі команда үшін де болуы керек»: «Қызылжар» шабуылшысы – «Елімайдан» жеңілгені жайлы

«Қызылжардың» ивуариялық шабуылшысы Этьен Бегр ҚПЛ-дың 15-ші туры аясында «Елімайдан» жеңілгеннен кейін (0:2) төрешілердің іс-әрекетіне наразылық білдірді, деп хабарлайды ASnews.kz.

«Өтінемін, сары қағаздар тек біз үшін емес, екі команда үшін де екеніне көз жеткізіңіздерші», – деп жазды Бегр өзінің инстаграм-аккаунтында.

Бұл ойында «Қызылжар» футболшылары төрт сары қағаз алды, оның ішінде Бегрдің өзі де бар, ал «Елімай» ойыншыларында ескерту нөл. Бұл ретте «Елімай» футболшылары 17 фол жасаса, «Қызылжар» – 14.

15 турдан кейін «Елімай» 23 ұпаймен төртінші сатыға жайғасты, ал «Қызылжар» 15 ұпаймен 11-ші орында келеді.