Покатилов – «Ақтөбедегі» кезеңі жайлы: жақсы естеліктер қалды

Қазақстан құрамасы мен әзербайжандық «Сабахтың» қақпашысы Стас Покатилов BorodAbata.kz сайтына берген сұхбатында «Ақтөбедегі» кезеңіне баға берді.

– Сен «Ақтөбеге» бір рет емес, екі рет бардың. Тамаша команда, жанкүйерлері де сені жақсы көрді. Әсіресе 2015 жылы керемет ойнадың. Ұлттық құрамада да негізгі қақпашы болдың. Сол кезеңді есіңе түсіре аласың ба?

– «Ақтөбеде» өткізген уақытымды әрқашан қуанышпен еске аламын. Мен үшін бұл бөтен қала, бөтен команда емес. Жақсы естеліктер қалды. Нәтижелеріміз де жаман болмады. Ойыншылар да бір-бірімен жақсы қарым-қатынаста болды. «Ақтөбені» жақсы көремін, менің жүрегімде ерекше орынға ие команда. Олар да мені дәл солай жақсы көреді деп ойлаймын.

– Ақтөбелік жанкүйерлер басқа қаладағы футбол фанаттарынан несімен ерекшеленеді?

– Барлық қаладағы жанкүйерлер футболды жақсы біледі. Бірақ Ақтөбеде фанаттар команданы қолдауға келеді. Қандай нәтиже тіркелсе де, қолдауды сезесің. Ұтсаң да, ұтылсаң да бәрібір. Ал Алматыдағы жанкүйерлер қызықты ойын көруге келеді. Бұл менің жеке ойым.

Покатилов 2015 жылғы маусымда және 2022-2023 жылдар аралығында «Ақтөбенің» намысын қорғады.