«Қайсар» Қазақстан құрамасының ойыншысын қатарына қосуы мүмкін

Қазақстандық вингер Дамир Марат қызылордалық «Қайсарға» ауысуға жақын, деп хабарлайды ASnews.kz тілшісі.

Ойыншыға ҚПЛ-дың басқа да клубтары үміткер болып отыр. Алайда бұл трансферде футболшының бұған дейін «Оқжетпесте» «Қайсардың» қазіргі бас бапкері Андрей Ферапонтовтың қол астында сәтті өнер көрсеткені басты рөл атқаруы мүмкін.

Осы жылдың қаңтар айында Дамир Марат «Тобылға» ауысып, қостанайлық клуб сапында барлық жарыстарда 13 матч (409 минут) өткізді және төрт нәтижелі пас берді. Сондай-ақ, вингер «Тобылмен» бірге Қазақстан Суперкубогының иегері атанды.

Осы жылдың наурыз айында футболшы Қазақстан ұлттық құрамасы сапында тұңғыш рет алаңға шығып, жеңіспен аяқталған FIFA Series жарысында екі матч өткізді.