Бельгиялық «Брюгге» Қазақстан құрамасының ойыншысына көз тікті: келіссөздің мән-жайы

Елордалық «Астананың» қазақстандық вингері Максат Абраев мансабын Еуропа чемпионатында жалғастыруы мүмкін, деп хабарлайды ASnews.kz.

Дереккөздердің мәліметінше, бельгиялық «Брюгге» 18 жасар футболшының трансфері бойынша белсенді келіссөздер жүргізіп жатыр. Қазіргі уақытта GRCG консалтингілік компаниясының басқарушы директоры Ербол Еділов Еуропада жүр, ол жерде «Брюгге» клубының селекциялық департаментінің басшысы Джулиан Прюдомммен кездесулер өткізуде.

Бельгиялық клуб Абраевтың өкілдері үшін ауқымды видеопрезентация ұйымдастырған. Онда клубтың инфрақұрылымы мен тұрмыс жағдайы, жаттығу процесі мен футболшылардың күнделікті өмірі, арнайы білім беру бағдарламасы және ойыншының алдағы жылдарға арналған жеке даму жоспары егжей-тегжейлі көрсетілген.

6 маусым күні Ереванда Максат Абраев Арменияға қарсы өткен жолдастық матчта (1:1) Қазақстан ұлттық құрамасы сапында тұңғыш рет алаңға шықты.

Абраев ағымдағы маусымда «Астана» сапында барлық жарыстарда 13 матч өткізіп, екі гол соқты және үш нәтижелі пас берді.