Қазақстандық журналист – «Алтай» клубы жайлы: олар жазда көшбасшы футболшыларын жібермейді

Қазақстандық спорт журналисі және футбол инсайдері Эльдар Аманбаев «Алтайдың» көшбасшы футболшыларына ҚПЛ-дың басқа клубтарынан ұсыныс түскенін айтты, деп хабарлайды ASnews.kz.

Сейф Поповқа Қазақстан Премьер-лигасының төрт клубы қызығушылық танытқан екен. Бірақ «Алтай» басшылығы футболшыны жазда қанша ақша ұсынса да, жібермейміз деп отыр. Дәл осы жағдай Ибрагим Дадаевқа да қатысты. «Алтайдың» биылғы маусымдағы басты мақсаты – Премьер-лигада қалу. Бұған осы екі жігіт көмектсеседі деп ойлаймын», – деді Аманбаев «Бірінші бол» арнасындағы подкастта.

21 жастағы Сейф Попов биылғы ҚПЛ маусымында 12 матч өткізіп, 2 гол соқты. Ал 23 жастағы Ибрагим Дадаев 12 матчта бір нәтижелі паспен көзге түсті. Соңғы турда қос футболшы дриблинг бойынша үздік бес ойыншының қатарына кірді.

«Алтай» 12 турда 9 ұпай жинап ҚПЛ турнирлік кестесінде 14-орында келе жатыр. Қазақстан кубогында жартылай финалға шықты. Ол жақта «Ордабасымен» күш сынасады.