Якоб Новак Қазақстан мен Словения клубтарын салыстырды

«Атыраудың» словениялық экс-ойыншысы Якоб Новак Чемпиондар лигасының іріктеу кезеңіндегі «Қайрат» пен «Олимпия» арасындағы матч қарсаңында BorodAbata.kz сайтына сұхбат беріп, еурокубоктарда өнер көрсететін қазақстандық және словениялық клубтардың айырмашылығы туралы пікір білдірді.

«Олимпия» мен «Марибор» сияқты словениялық командалар қазақстандық клубтарға қарағанда допты бақылауға көбірек көңіл бөлуі мүмкін. Сонымен қатар олар іріктеу кезеңінде жиі ойнайды, бұл оларға аздап артықшылық беруі мүмкін», – деді Новак.

Оның айтуынша, мұндай матчтарда көп нәрсе тек ойыншылардың деңгейіне ғана емес, плей-офф кезеңіндегі ойындарды өткізу әдетіне де байланысты.

Командалар арасындағы алғашқы ойын 8 шілдеде Люблянада, қарымта кездесу 15 шілдеде Алматыда өтеді.