«Жаңа деңгейге шығарады»: РПЛ легионері Ромащенконың «Тобылға» келуі туралы

Екатеринбургтік «Уралдың» бразилиялық жартылай қорғаушысы Лео Кордейро ASnews.kz сайтына берген сұхбатында Мирослав Ромащенконың Қазақстанға ауысуына қатысты пікір білдірді.

Бразилиялық футболшы маманның талаптарымен жақсы таныс: Кордейро Ромащенконың қол астында 14 матч өткізген.

«Оның «Тобылға» тағайындалғанын көрдім. Не айтуға болады? Ол – талап қоя білетін, идеясы озық жаттықтырушы. Оның нәтиже шығару үшін барлық мүмкіндігі бар. Меніңше, ол «Тобыл» ойыншыларын жаңа деңгейге шығара алады», – деді легионер.

Ромащенко тағайындалғалы бері қостанайлықтар барлық турнирде төрт матч өткізіп, үш жеңіске жетті және бір рет ұтылды. Қазіргі таңда «Тобыл» сегіз ұпаймен ҚПЛ турнир кестесінің 12-ші сатысында тұр.