Трытко «Ақтөбенің» ЕЛ-дағы мүмкіндігі жайлы: «Легия» «Барселона» емес

«Атыраудың» бұрынғы шабуылшысы Пшемыслав Трытко BorodAbata.kz сайтына берген сұхбатында Еуропа лигасының бірінші іріктеу кезеңіндегі «Легия» мен «Ақтөбе» арасындағы матч жайлы пікірімен бөлісті.

«Бірінші матч Варшавада өтеді, әрине, «Ақтөбе» үшін қиын болады. «Легия» өз алаңындағы артықшылығын пайдаланып, допқа көп иелік етіп, бірінші ойында-ақ матчтың тағдырын шешуге тырысады. Поляктар ірі есеппен жеңіске жетсе, таң қалмаймын. Бірақ Ақтөбедегі қарымта ойынға бару үшін олардың ұзақ сапар күтіп тұр және ол жақта қарсылас командаға керемет қолдау көрсетіледі.

Өткен жылы «Легия» мен «Ордабасы» арасындағы матчы кезінде Шымкентте алаң иелерінің таза голы есепке алынбағаны есімде. Мен өзім Польша мен Қазақстанда ойнадым – «Легия» «Барселона» емес деп айта аламын. «Ақтөбенің» мүмкіндігі бар, олар сокына дейін күреседі. Басқалар сияқты олар да еурокубокта мүмкіндігінше алысқа шапқысы келеді. «Легияға» оңай болмайды, бірақ менің ойымша, олар бәрібір де келесі кезеңге өтеді», – деді Трытко.

Пшемыслав Трытко 2016 жылы «Атырау» клубында ойнаған. Поляк шабуылшысы «мұнайшылар» сапында 31 матч өткізіп, жеті гол соққан, үш нәтижелі пас берген.

«Легия» мен «Ақтөбе» арасындағы алғашқы ойын 10 шілдеден 11 шілдеге қараған түні Варшавада, қарымта матч 17 шілде күні Қазақстанда өтеді.