«Атыраудың» экс-легионері – қазақстандық футболшылар туралы: 15 жыл бұрын біз де қорқатын едік

«Атыраудың» бұрынғы шабуылшысы Пшемыслав Трытко Еуропа лигасының іріктеу кезеңіндегі «Легия» мен «Ақтөбе» арасындағы матч қарсаңында BorodAbata.kz сайтына сұхбат беріп, Польша мен Қазақстан футболшыларының арасындағы басты айырмашылықты атады – оның пікірінше, бәрі менталитет пен тәуекелге байланысты екен.

«Қазақстандық ойыншылар жақсы деңгей көрсетуде, бірақ одан әрі даму үшін олар міндетті түрде Еуропаға кетіп, тәжірибе жинақтауы керек. Бұл тұрғыда менталитет шешуші рөл атқарады. Осыдан 10-15 жыл бұрын бізде Польшада осындай жағдай болған – тәуекелге барудан, өзімізді Еуропамен салыстырудан қорқатынбыз. Қазір бәрі басқаша: поляк футболшылары ешнәрседен қорықпайды және біз үнемі мықты чемпионатқа кетіп, солардың деңгейіне жетуге дайынбыз. Басты айырмашылық – біз өзімізді шетелде сынаудан қорықпаймыз және бұл біздің мықты болуымызға әсер етеді», - деді Трытко.

Пшемыслав Трытко 2016 жылы «Атырау» клубында ойнаған. Поляк шабуылшысы «мұнайшылар» сапында 31 матч өткізіп, жеті гол соққан, үш нәтижелі пас берген.

«Легия» мен «Ақтөбе» арасындағы алғашқы ойын 10 шілдеден 11 шілдеге қараған түні Варшавада, қарымта матч 17 шілде күні Қазақстанда өтеді.

Бұған дейін Трытко «Ақтөбеге» қарсы кездесудегі «Легияның» мүмкіндігін бағалаған болатын