Шпилевский – «Қайратқа» оралуы туралы: бұл әдепсіздік болар еді

«Пари НН» клубының бас бапкері қызметінен кеткен беларусьтік маман Алексей Шпилевский ASnews.kz сайтына берген сұхбатында «Қайратты» тізгіндеуіне қатысты ақпаратты жоққа шығарды.

«Мен «Пари НН» клубынан кеше ғана кеттім, сондықтан дәл қазір басқа ұсыныстарды талқылаудың өзі әдепсіздік болар еді. «Қайраттың» қазіргі бапкері – керемет маман әрі жақсы адам. Дәл қазір ертең барып жұмыс бастап кетуді тіпті елестете алмаймын. Әсіресе, қазақ футболының тарихында орасан зор нәтижеге қол жеткізген фантастикалық бапкері бар «Қайрат» туралы айту мүлдем дұрыс емес. Бұл ақпарат шындыққа жанаспайды», – деп мәлімдеді Шпилевский.

Бұған дейін БАҚ беттерінде «сары-қаралардың» басшылығы еурокубоктар алдында жаттықтырушылар штабын күшейту үшін 38 жастағы Шпилевскийді басты үміткер ретінде қарастырып жатқаны туралы ақпарат тараған болатын.

Беларусьтік маман 2019-2021 жылдар аралығында «Қайратты» жаттықтырып, 2020 жылы клубты көптен күткен чемпиондық атаққа жеткізген еді.

Қазіргі бапкер Рафаэль Уразбахтиннің жетекшілігімен алматылықтар ҚПЛ-2026 маусымында жеті матчтан кейін 15 ұпай жинап, турнир кестесінде көш бастап тұр.