ҚПЛ-да ойнаған поляк футболшысы: «Ақтөбеге» қарсы ойында «Легияға» оңай болмайды

«Атыраудың» бұрынғы польшалық легионері Пшемыслав Трытко BorodAbata.kz сайтына берген сұхбатында «Легияның» Еуропа лигасы бірінші іріктеу кезеңіндегі «Ақтөбеге» қарсы кездесудегі мүмкіндіктеріне баға берді.

«Бұл текетірестің фавориті – «Легия». Бұл жолы да польшалық командаға екі жыл бұрын «Ордабасыға» қарсы өткен матчтағыдай қиын болады, бірақ «Легия» ол кездегідей осал емес. Менің ойымша, Варшаваның клубы келесі кезеңге өтеді, бірақ үлкен қиындықпен. «Легия» аты «Легия» – клуб бас бапкерін ауыстырды, биыл трансфер бюджеті соншалықты үлкен болмаса да, оларда Польша чемпионатының ең үздік ойыншылары бар. Олар мұндай матчқа дайын болады», - деді Трытко.

Пшемыслав Трытко 2016 жылы «Атырау» клубында ойнаған. Поляк шабуылшысы «мұнайшылар» сапында 31 матч өткізіп, жеті гол соққан, үш нәтижелі пас берген.