«Ордабасының» африкалық қорғаушысы: «Портудан» ұсыныс болған

«Ордабасы» клубының орталық қорғаушысы Ги-Марселен Килама ASnews.kz сайтына берген сұхбатында бірнеше жыл бұрын «Портуға» ауысуға жақын болғанын айтты.

«Футболда келіссөздер жүргізу – қалыпты нәрсе. «Ньораға» дейін «Портумен» келісімшартқа отыру мүмкіндігі болды, бірақ жүзеге аспады. Жақында басқа клубтардан да қызығушылық болды, олардың қатарында Түркия Суперлигасындағы «Газиантеп» те бар. Алайда қазір бар назарымды «Ордабасыға» аударып отырмын.

Егер біз чемпион атансақ немесе еурокубоктарға жолдама алсақ, бұл маусым жақсы өтті деп есептеймін. Жеке мақсатым – тұрақтылықты сақтап, әрі қарай даму», – деді 26 жастағы футболшы.

«Ордабасының» жаңа ойыншысы Ги-Марселен Килама – Камерун ұлттық құрамасының мүшесі. Құраманың жалпы құны 197,4 млн еуроға бағаланып отыр.

Бұған дейін қорғаушы «Хатайспор» клубында өнер көрсеткен. Ағымдағы маусымда шымкенттік команда сапында мүлдем жеңілген жоқ.

«Порту» – Португалияның әйгілі клубы. Олар екі рет Чемпиондар лигасын жеңіп алған және 30 рет ел чемпионы атанған. Сондай-ақ екі мәрте Еуропа лигасында топ жарған.